Shkup, 8 tetor – Kampionati Evropian 2020 tashmë është dy fitore larg për Kosovën, që sonte luan në Shkup ndaj Maqedonisë së Veriut ndeshjen në kuadër të “Play-off”-it të Ligës së Kombeve.
Në këtë ndeshje entuziazmi te Kosova nuk është më i larti i mundshëm, pasi para ndeshjes jemi njoftuar me mungesa të shumta në grup. Por kjo jodomosdoshmërisht është negative.
Lojtarët e Kosovës kanë motivimin me vete. Luajnë me këmbë në tokë, në dijeni se kjo është ndeshja më e rëndësishme që kanë luajtur deri më tani.
Në një anketë në rrugët e Shkupit, shumica e qytetarëve kanë treguar se sonte do jenë përkrahës të Kosovës.
Në ekipin e Maqedonisë së Veriut janë gjashtë futbollistë shqiptarë, prej të cilëve të paktën katër parashikohen ta nisin nga minuta e parë ndeshjen kundër Kosovës, por pavarësisht kësaj qytetarët shqiptarë të Shkupit duken të prerë sa i përket Kombëtares që do ta përkrahin.
Të gjithë qytetarët e anketuar, të cilët u përkasin moshave të ndryshme, shprehen në favor të fitores së Kosovës.