Joe Biden ka siguruar 270 vota elektorale për të zyrtarizuar fitoren e tij presidenciale me 55 votat e Kalifornisë. Rezultati i votimit erdhi të hënën vonë kur zgjedhësit e Kalifornisë pohuan fitoren masive të Biden me 5 milion vota muajin e kaluar në shtetin më të madh të vendit. Ish kandidatja demokrate Hillary Clinton, njëkohësisht anëtare e Kolegjit Zgjedhor që përfaqëson Nju Jorkun, bëri thirrje që ky organizëm të shfuqizohet.
Kolegji Zgjedhor mori një rëndësi të shtuar këtë vit për shkak të refuzimit të Presidentit Donald Trump për të pranuar humbjen në garën për rizgjedhje.
Kur të jenë të gjitha votat të jepen, Biden pritet të ketë 306 vota elektorale me 232 për Trump. Duhen 270 për tu zgjedhur. Në numërimin e votave popullore, Biden kryesoi Trump me më shumë se 7 milion vota në të gjithë vendin.
Më herët gjatë ditës, elektorët në disa shtete kryesore fushë-betejë ku zoti Trump u përpoq pa sukses të ndryshonte rezultatin – Arizona, Xhorxhia, Miçigani, Nevada, Pensilvania dhe Uiskonsini – votuan gjithashtu për zotin Biden, i cili pritet të marrë detyrën në 20 Janar.
“Flaka e demokracisë u ndez në këtë vend shumë kohë më parë,” thuhet në fjalimin e tij, fragmente të të cilit u publikuan paraprakisht nga ekipi i tij i tranzicionit. “Dhe ne tani e dimë se asgjë, madje as një pandemi, apo një abuzim i pushtetit, nuk mund ta shuajë atë flakë… Në këtë betejë për shpirtin e Amerikës, demokracia fitoi,” thuhet në fjalim.
“Në këtë betejë për shpirtin e Amerikës, demokracia mbizotëroi,” tha Biden në vërejtjet e përgatitura për një fjalim në mbrëmje. “Ne njerëzit votuam. Besimi në institucionet tona të mbajtura. Integriteti i zgjedhjeve tona mbetet i paprekur. Dhe kështu, tani është koha për të kthyer faqen. Të bashkohen”, tha ai.
Biden rinovoi premtimin e fushatës për të qenë një president për të gjithë amerikanët, pavarësisht nëse ata votuan për të ose jo, dhe tha se vendi ka shumë punë përpara për virusin dhe ekonominë.
Por zoti Trump, ende këmbëngul në mënyrë të pasaktë se ai ka fituar në zgjedhjet e muajit të kaluar.
“Kjo çështje nuk është mbyllur”, tha zoti Trump për televizionin Fox News në një intervistë të dielën në mëngjes, megjithëse dhjetra padi lidhur me pretendimet e tij se po i mohohet padrejtësisht një mandat i dytë, janë hedhur poshtë nga gjykatat.
“Ne vazhdojmë përpjekjet. Kemi çështje të shumta në shkallë lokale. Ne fituam në Pensilvani. Fituam në Miçigan. Fituam në Xhorxhia me diferencë të madhe”, tha ai.
Por zyrtarët e zgjedhjeve në shtete kanë arritur përfundim tjetër dhe anëtarët e Kolegjit Zgjedhor u mblodhën të hënën në kryeqytetet e shteteve në të gjithë vendin për të votuar.
Kolegji Zgjedhor është ai që përcakton fituesin e zgjedhjeve presidenciale në SHBA jo vota popullore, megjithëse zoti Biden kryeson edhe në atë kategori, me më shumë se 7 milionë vota.
Kongresi shqyrton dhe finalizon rezultatin zyrtar të Kolegjit Zgjedhor më 6 Janar.
Disa anëtarë republikanë të Dhomës së Përfaqësuesve, me në krye ligjvenësin Mo Brooks nga Alabama, kanë në plan të përpiqen të shfrytëzojnë seancën e numërimit të votave të Kolegjit Elektoral në Kongres, për të përmbysur rezultatin në favor të zotit Trump.
“Në bazë të Kushtetutës, ne kemi një rol më me peshë sesa Gjykata e Lartë, sesa çdo gjykatës federal, sesa çdo gjykatës i një shteti,” tha zoti Brooks për gazetën New York Times. “Ne marrim vendimin përfundimtar.”
Ka pasur shqetësime në lidhje me sigurinë për zgjedhësit, praktikisht të padëgjuar në vitet e mëparshme. Në Michigan, ligjvënësit nga të dy palët raportuan se kishin marrë kërcënime dhe zyrat legjislative u mbyllën pas kërcënimeve për dhunë.
Asnjë Kongres nuk ka zhvleftësuar votat elektorale të një shteti që nga shekulli i 19-të dhe nuk ka gjasa të ndodhë as muajin e ardhshëm. Inaugurimi presidencial ku zoti Biden pritet të marrë detyrën është planifikuar më 20 janar, dy javë pas certifikimit të rezultateve nga Kongresi.
Bazuar në rezultatet e nëntorit, Biden fitoi gjithsej 306 vota të Kolegjit Zgjedhor kundrejt 232 të Republikanit Donald Trump.
Presidenti i zgjedhur Joe Biden u tha amerikanëve të hënën mbrëma se “vullneti i popullit fitoi,” ndërkohë që pak orë më parë elektorët në mbarë vendin kishin konfirmuar fitoren e tij në zgjedhjet e muajit të kaluar me 306 vota elektorale, kundrejt 232 të Presidentit Donald Trump.
Në një fjalim të mbajtur në Uilmington të shtetit Delauer, ai tha se demokracia “u vu në provë dhe u kërcënua, por rezultoi e qëndrueshme, e besueshme dhe e fortë.”
“Sundimi i ligjit, Kushtetuta jonë dhe vullneti i popullit fituan,” tha Presidenti i zgjedhur.
Zoti Biden u kërkoi amerikanëve ta hidhnin vështrimin përtej fushatës së zgjedhjeve të 3 nëntorit dhe përpjekjeve të Presidentit Donald Trump për të mos pranuar humbjen.
“Nëse dikush nuk e dinte më parë, tani ne e dimë. Ajo që rreh thellë në zemrat e popullit amerikan është demokracia… Është e drejta për t’u dëgjuar. Që vota juaj të numërohet. Që ju të zgjidhni udhëheqësit e këtij vendi. Që të qeverisni veten,” tha zoti Biden.
Duke iu referuar përpjekjeve të zotit Trump për të përmbysur rezultatin e zgjedhjeve përmes sfidave ligjore që janë refuzuar nga gjykatësit në të gjithë spektrin politik, përfshirë Gjykatën e Lartë, zoti Biden argumentoi se sistemi qeverisës i Amerikës mbetet i paprekur.
“Në Amerikë, politikanët nuk e marrin pushtetin, është populli që ua jep atyre”, tha ai. “Flaka e demokracisë është ndezur në këtë vend shumë kohë më parë. Dhe tani ne e dimë se asgjë, madje as një pandemi, apo një abuzim i pushtetit, nuk mund ta shuajë atë flakë,” tha zoti Biden.
Në fjalimin e tij, Presidenti i zgjedhur tha se fitoi me të njëjtën diferencë votash elektorale si edhe zoti Trump në vitin 2016, duke shtuar se kjo ishte “një fitore e qartë” si atëherë ashtu edhe tani.
Ai vuri në dukje pjesëmarrjen rekord të zgjedhësve në votime dhe tha se kjo pjesëmarrje “duhet të festohet dhe jo të sulmohet”.
Ai u zotua se do të jetë “një president për të gjithë amerikanët.”
“Do të punoj po aq shumë për ata që nuk më votuan, sa edhe për ata që më votuan,” tha zoti Biden.
Pas humbjes së dhjetra sfidave ligjore në nivel shtetëror dhe federal, Presidenti Trump pritet të ngrejë padi gjyqësore të reja këtë javë. Avokati i tij Rudy Giuliani thotë se pret që të ngrihen pesë procese gjyqësore në nivel shtetesh.
Ndërkohë, senatori republikan Ron Johnson i shtetit Uiskonsin pritet të mbajë të mërkurën një seancë mbi parregullsitë në zgjedhje.
Ai ka ngritur pyetje se përse Kongresi nuk ishte informuar për faktin që taksat e djalit të zotit Biden, Hunter, ishin nën hetim federal gjatë gjyqit të presidentit Trump në përpjeket e demokratëve për shkarkimin e tij, raporton VOA.
Në anën tjetër, Teksa hidhte votën e saj elektorale për Joe Biden, ish kandidatja demokrate Hillary Clinton, njëkohësisht anëtare e Kolegjit Zgjedhor që përfaqëson Nju Jorkun, bëri thirrje që ky organizëm të shfuqizohet.
Sipas ish sekretares amerikane te shtetit, Kolegji Elektoral duhet të shpërbëhet, dhe fituesi I zgjedhjeve presidenciale në SHBA, duhet të caktohet nga vota popullore.
“Unë besoj se duhet ta shfuqizojmë Kolegjin Zgjedhor dhe të zgjedhim për president fituesin e votës popullore, njësoj siç ndodh me çdo post tjetër të rëndësishëm. Megjithatë, ndërsa ai ende ekziston, unë isha krenare që e dhashë votën time në Nju Jork për Joe Biden dhe Kamala Harris”.