Sondazhi më i ri i PIPOS, e nxjerr sërish Lëvizjen Vetëvendosje fituese të zgjedhjeve të 14 shkurtit me 41,60 % të votave.
Nëse ky rezultat krahasohet me atë të sondazhit të kaluar, që po ashtu u prezantua në Klan Kosova, del që Lëvizja Vetëvendosje ka rritje prej 0,5 %.
Në këtë sondazh të realizuar nga PIPOS, PDK-ja ka dalë sërish e dyta me 20,10 %. Megjithatë kjo parti ka rënie prej 0,7 % pasi në sondazhin e parë, rreth një javë më parë, kishte rezultat prej 20,80 %.
Një nga të dhënat më interesante të këtij sondazhi është lëvizja pozitive e LDK-së, e radhitur si e treta, e cila ka rritje prej 0.6 % për një javë.
Në sondazhin e parë të PIPOS, LDK-ja kishte 15,70 % derisa në atë të fundit ka rritje në 16,3 %.
Në këto parashikime, AAK-ja ka shënuar rënie prej 1,1 % që është rënia më e madhe nga të gjitha partitë politike. AAK-ja ka rënë në 7,50 % nga 8,60 %.
Edhe Vjosa Osmani ka shënuar një rënie prej 0,2 % ku nga 3,2 % sa ishte tani ka 3 % të votave të përgjithshme.
Nisma e Fatmir Limajt nuk do ta kalojë pragun zgjedhor me 2 % të votave, derisa ka shënuar edhe rënie prej 0.5 %.
Rënie ka edhe AKR-ja që nga 0.90 % tani është në 0,70 %.
KY ËSHTË REZULTATI I KËTIJ SONDAZHI:
LËVIZJA VETËVENDOSJE – 41,60 %
PDK – 20,10 %
LDK – 16,30 %
AAK – 7,50 %
VJOSA OSMANI – INICIATIVA QYTETARE – 3 %
NISMA – 1,50 %
AKR – 0,70 %
39% e qytetarëve nuk i duan në lista zgjedhore deputetët e legjislaturës së fundit
Pyper, si platformë e specializuar për matjen e opinionit publik, në bashkëpunim me emisionin “Debat Plus”, që transmetohet në RTV Dukagjini, ka organizuar sondazhin e radhës.
Në këtë sondazh qytetarët janë pyetur në lidhje me zgjedhjet parlamentare të 14 shkurtit.
Rreth 76% e pjesëmarrësve në sondazh mendojnë se Lëvizja Vetëvendosje do të fitojë pozitën e kryeministrit pa pasur nevojë për koalicion pas zgjedhor. 26% mendojnë se LVV nuk e fiton kryeministrin pa koalicione, derisa rreth 4% nuk kanë mendim.
45.5 % e qytetarëve mendojnë se kandidaturat për president duhet shpallur gjatë fushatës zgjedhore. Rreth 36.5% e të anketuarve mendojnë se këto kandidatura nuk duhet të shpallen gjatë kësaj fushate. 15% nuk kanë mendim për këtë temë.
39% e qytetarëve mendojnë se deputetët e legjislaturës së kaluar nuk duhet të jenë pjesë të listave për zgjedhjet e 14 shkurtit. 32% mendojnë se ata duhet të jenë pjesë e listave zgjedhore, derisa rreth 27% nuk kanë mendim për këtë temë.
Mbi 56 për qind e të rinjve kosovarë e mbështesin partinë e Albin Kurtit
Sondazhi javës i cili është shpalosur me herët në Rubikon të Klan Kosovës, ka rezultuar se mbi 56 për qind e të rinjve kosovar e mbështesin partinë e Albin Kurtit.
Po sipas këtij sondazhi i cili është organiuzar nga PIPO, ka treguar se përveç që VV ka dalur si partia më votuar me mbi 41% të elektoratit, edhe të rinjtë e Kosovës po del se e mbështetin masivisht partinë e Albin Kurti.
E siç dihet Albin Kurti, dje edhe zyrtarisht është shpallur kandidat për kryeministër nga Vetëvëndosje.
Derisa në zgjedhjet e 14 shkurtit, Kurti i ka bashkuar forcat me lniciativën e Vjosa Osmanit, duke garuar së bashku në një listë të përbashkët.
Entuziazmi dhe pritja për fitore gjithnjë e më shumë po rritet, e sidomos kjo po vërehet në diasporën shqiptare.
