Teksa talebanët kanë “thyer” edhe Kabulin, presidenti Ashraf Ghani është larguar nga vendi për në Taxhikistan, për t’i shpëtuar grupit të militantëve islamikë të cilët kanë “pushtuar” Afganistanin!
Lajmin e ka bërë me dije një zyrtar i lartë i Ministrisë së Brendshme, duke mos shtuar asnjë detaji tjetër, dhe kjo për arsye të sigurisë së Ashraf Ghani.
“Ai u largua nga Afganistani në një kohë të vështirë”, tha Abdullah.
Presidenti afgan Ashraf Ghani tha se ai u largua nga vendi për të shmangur gjakderdhjen, kur talebanët hynë në pallatin presidencial në Kabul.
“Në emër të Allahut, Mëshiruesit, Mëshirëbërësit Të dashur bashkatdhetarë! Sot, hasa në një zgjedhje të vështirë; Unë duhet të qëndroj përballë talibanëve të armatosur që donin të hynin në pallat ose të largoheshim nga vendi i dashur që i kushtova jetën time mbrojtjes gjatë 20 viteve të fundit. Nëse do të kishte ende bashkatdhetarë të panumërt të martirizuar dhe ata do të përballeshin me shkatërrimin e qytetit të Kabulit, rezultati do të kishte qenë një katastrofë e madhe njerëzore në këtë qytet prej gjashtë milionë banorësh. Talebanët kanë bërë që të më largojnë, ata janë këtu për të sulmuar të gjithë Kabulin dhe njerëzit e Kabulit. Për të shmangur përmbytjen e përgjakur, mendova se ishte më mirë të dilja jashtë.
Talibanët kanë fituar gjykimin e shpatës dhe armëve dhe tani ata janë përgjegjës për mbrojtjen e nderit, pasurisë dhe vetëbesimit të bashkatdhetarëve. A nuk e fituan ata legjitimitetin e zemrave. Asnjëherë në histori pushteti i thatë nuk i ka dhënë legjitimitet askujt dhe nuk do t’ia japë atij. Ata tani po përballen me një provë të re historike; ose do të mbrojnë emrin dhe nderin e Afganistanit ose do të kenë përparësi në vendet dhe rrjetet e tjera. Shumë njerëz janë në frikë dhe është e nevojshme që talebanët të sigurojnë të gjithë njerëzit, kombet, sektorët e ndryshëm, motrat dhe gratë e Afganistanit që të fitojnë legjitimitetin dhe zemrat e njerëzve. Bëni një plan të qartë për ta bërë dhe ndani atë me publikun. Unë gjithmonë do të vazhdoj t’i shërbej kombit tim me një moment intelektual dhe një plan për t’u zhvilluar. Shumë më tepër për të ardhmen. Rroftë Afganistani”, shkruan presidenti afgan në rrjetet sociale.
Reagimet perendimore
Sekretari amerikan i Shtetit, Antony Blinken ka reaguar pas sulmit të talebanëve në aeroportin e Kabul, ku po bëhet edhe tërheqja e stafit amerikan.
Blinken ka paralajmëruar talebanët se çdo përpjekje e tyre për të sulmuar forcat e SHBA dhe personelin e tyre do të ketë një kundërpërgjigje shumë të fortë.
Ai është shprehur se administrata e presidentit Joe Biden është e fokusuar pavarësisht të gjithave për sigurinë e personelit diplomatik amerikan që ndodhet në Afgan.
Sekretari amerikan i Shtetit, Antony Blinken ka kundërshtuar krahasimet që i janë bërë tërheqjes amerikane nga Kabuli me largimin kaotik pas Luftës së Vietmanit, teksa talibanët kanë rrethuar kryeqytetin afgan.
Komentet e Bliniken më 15 gusht, erdhën pasi Rusia tha se po punon me shtetet e tjera për të mbajtur një mbledhje urgjente të Këshillit të Sigurimit të Kombeve të Bashkuara, për të diskutuar për Afganistanin, teksa talibanët kanë marrë kontrollin e pothuajse tërë territorit të këtij shteti.
“Ky nuk është Saigon”, tha Blinken për ABC.
“Puna është që: ne shkuam në Afganistan 20 vjet më parë me një mision në mendje. Kjo ishte që të merreshim me njerëzit që na sulmuan ne më 11 shtator. Ai mision ka qenë i suksesshëm”, tha Blinken.
Estonia dhe Norvegjia kanë kërkuar që 15 anëtarët e Këshillit të Sigurimit të OKB-së të takohen për Afganistanin sa më shpejt që të jetë e mundur.
Rusia është një prej pesë anëtarëve të përhershme të këtij këshilli së bashku me SHBA-në, Britaninë, Francën dhe Kinën.
Më 13 gusht, Johnson ishte zotuar se Britania nuk do “t’ia kthejë shpinën” Afganistanit, edhe pse ai ka konfirmuar se personeli i ambasadës është evakuuar për shkak të frikës nga talibanët.
NATO-ja tha se po “ndihmon në mbajtjen e operacioneve në aeroportin e Kabulit, që afganët të kenë kontakt me botën”.