Albin Kurti i dërgon ministrat në Prevallë

Kryeministri Albin Kurti do ta mbledh kabinetin qeveritar në një punëtori ku do ta finalizojë Programin Qeverisës dhe Planin e Veprimit.

Kabineti i shefit të ekzekutivit thotë se kjo punëtori do të jetë e ngjashme sikurse ajo e organizuar nga Qeveria Kurti I.

“Kabineti Qeveritar, secili anëtarë i tij, sipas përgjegjësive që kanë, është duke hartuar prioritetet sektoriale dhe politikat që i përgjigjen atyre prioriteteve. Tanimë që u zgjodh edhe Presidentja e vendit, znj. Osmani, së shpejti, këtë javë apo javën tjetër, do të organizojmë një punëtori me kabinetin qeveritar, ngjashëm sikurse gjatë Qeverisë Kurti I, në të cilën do të finalizohet Programi Qeverisës dhe Plani i Veprimi”, thuhet në përgjigje.

Një takim i ngashëm ishte mbajtur më 29 shkurt të vitit 2020 në Prevallë.

Leave a Comment

Your email address will not be published.