Grupet opozitare kanë marrë nën kontroll pjesën më të madhe të aparatit qeveritar në Kirgistan pasi në vend shpërthyen protesta të dhunshme pas zgjedhjeve.
Presidenti i vendit, Soorenbai Jeenbekov ka bërë thirrje për qetësi dhe ka deklaruar se nuk do heqë dorë nga pushteti. Deri të martën vonë, protestat kanë shkaktuar të paktën një viktimë dhe mbi 686 të plagosur. Sipas Reuters, vendi rrezikon protesta të reja të dhunshme.
“Vlerësojmë po ashtu edhe Ministrinë e Brendshme dhe Komisionin Zgjedhor për përpjekjet e tyre për të organizuar një proces të sigurt elektoral pavarësisht sfidave në kohën e pandemisë.
Raporte paraprake të vëzhguesve nënvizojnë se fushata ishte konkurruese dhe procesi i votimit ishte paqësor, i mirëorganizuar dhe përgjithësisht efiçient,” thuhet në deklaratë.
Aty bëhet thirrje që të adresohen problemet zgjedhore në përputhje me rekomandimet e OSBE/ODIHR. Pas shpërthimit të protestave, ambasada e SHBA ka bërë thirrje për zgjidhje paqësore.