Mikrobiologu Lul Raka tha se coronavirusi do të jetë prezent derisa të zbulohet vaksina kundër tij.
Për këtë ai po thotë se është jetike respektimi i masave, ndërsa rritjen e numrave të infeksionit në Kosovë po e sheh si shumë shqetësuese.
“Këto shifra janë brengosëse për përgjegjësit në të gjitha nivelet. S’është koha e fajësimit. Këtu ka shumë faktorë, por tash është koha të kryejë secili përgjegjësinë e vet. Qytetarët e Kosovës e kanë për obligim t’i respektojmë ato tri masa që i kemi thënë që nga fillimi”.
Raka në Info Magazine tha se nuk u respektuan këto masa në bazë të numrave të rasteve që po raportohen.
“Këtu ka qenë edhe poenta e qasjes nuk do të duhej të ishte reaktive. Problemi më i madh sot është që kemi me pasë virusin deri në vaksinë. Numri i vendeve evropiane të prekur kanë pasur përhapje masive në prill dhe maj, por një numër i vogël është prekur. Kur popullata është ende e ndjeshme duhet gjetur njëfarë balance mes uljes së numrave dhe ekonomisë.
Raka, që tanimë është kryesues i Bordit Këshillëdhënës në Luftën kundër Covdi-19, tha se muajt e fundit s’ka pasë ndalesa as prej popullatës dhe se gjithashtu ka pasë mangësi në zbatim dhe mbikëqyrje.
Mikrobiologu tha gjithashtu se lajmet e rreme të shpërndara kryesisht në Facebook rreth coronavirusit janë pjesë e procesit, por ai bën thirrje që informatat duhet të merren vetëm nga ekspertët.