Forcat ruse kanë shkatërruar portin strategjik ukrainas të Mariupolit, duke vrarë ose plagosur mijëra banorë civilë.
Nga 400,000 banorët fillestarë të Mariupolit, ndoshta 120,000 kanë mbetur; shumica e të mbijetuarve arritën të iknin në pjesë të tjera të Ukrainës, por shumë gjithashtu janë dërguar me forcë në Rusi.
Presidenti rus Vladimir Putin i vëzhgoi këto tmerre të enjten dhe u shpreh i kënaqur. “Puna e forcave të armatosura për të çliruar Mariupolin ka qenë një sukses,” i tha ai ministrit rus të Mbrojtjes Sergei Shoigu në një takim televiziv. “Urime.”
Në të vërtetë, puna e forcave të armatosura të Rusisë nuk është kryer plotësisht.
Sipas Rusisë, rreth 2000 luftëtarë, janë fshehur në bodrumet e një fabrike çeliku përgjatë vijës bregdetare. Zyrtarët ukrainas thonë se “disa mijëra” njerëz janë të ngujuar në kompleksin si fortesë, por se shifra përfshin 500 ushtarë të plagosur – dhe 1,000 civilë. Kategoria e fundit përfshin fëmijë, sipas videove të publikuara nga ushtarët.
Duke pranuar se do të ishte shumë e rrezikshme për trupat ruse që të sulmonin vendin, Putin urdhëroi forcat e tij të mos vazhdonin sulmin, por në vend të kësaj ta rrethonin atë, në mënyrë që “që as edhe një mizë të mund të mos kalonte.”
Me sa duket i vendosur për të marrë kontrollin fizik, të vdekur apo të gjallë, të luftëtarëve dhe civilëve të bllokuar brenda kompleksit, Putin ka kërkuar dorëzimin e tyre dhe i ka rezistuar thirrjeve ukrainase për evakuimin e tyre në territorin ukrainas nën mbikëqyrjen e një pale të tretë. Deri të enjten, kishte javë që nuk kishte ndodhur ndonjë evakuim në Ukrainë nga Mariupoli; atë ditë, civilët – rreth 90 në numër – arritën të sigurt në Zaporizhzhia.
Shtetet e Bashkuara, Evropa dhe, në të vërtetë, të gjitha qeveritë në botë duhet të kërkojnë që Rusia ta trajtojë këtë katastrofë në mënyrë njerëzore.
Kjo do të thotë të negociosh diçka si evakuimi i garantuar i propozuar nga ukrainasit; nëse Rusia nuk do të lejojë që një operacion i tillë të mbikëqyret nga një vend i tretë, siç kanë kërkuar ukrainasit, atëherë mund të mbikëqyret nga një agjenci neutrale, ndoshta Komiteti Ndërkombëtar i Kryqit të Kuq.
Municioni dhe ushqimi i mbrojtësve po mbaronn, megjithatë, duket se Putin do të merrte parasysh ligjin ndërkombëtar.
Mund të jetë tepër vonë për të folur me Putin për të shmangur më shumë vdekje të panevojshme në Mariupol; Armët e furnizuara nga SHBA do t’i mundësojnë Ukrainës t’i drejtohet atij në një gjuhë që ai e kupton. / The Washington Post