Diplomati shqiptar Shaban Murati, ka ripërsëritur kërkesën e tij që Shqipëria të shpallë 17 shkurtin festë zyrtare.
Ai ka treguar se i ka propozuar Qeverisë shqiptare që nga viti 2012, që kjo dita e pavarësisë së Kosovës të jetë festë zyrtare.
Sipas tij, ajo është ngjarja e dytë më e rëndësishme në historinë e kombit shqiptar pas 28 Nëntorit 191, përcjell Bota sot.
Postimi i Muratit në Facebook:
Shqipëria ta bëjë 17 Shkurtin festë zyrtare!
Kam propozuar qysh në 26 mars 2012 që Shqipëria ta bëjë 17 shkurtin festë zyrtare, sepse pavarësia e Kosovës është ngjarja e dytë më e rëndësishme në historinë e kombit shqiptar pas 28 Nëntorit 1912.
Uroj që një qeverie në Tiranë t’i zgjohet ndërgjegja kombëtare!
(Libri “Hije në diplomacinë shqiptare”, Tiranë, 2012, fq. 213)