Populli amerikan përkujton sot tragjedinë ku humbën jetën mbi 3 mijë njerëz.
Sulmi në Kullat Binjake më 11 shtator të vitit në New York mori jetë njerëzish që ishin civil të 70 kombësive të ndryshme. Në mesin e viktimave janë edhe shqiptaro-amerikanë.
Viktimat e masakrës terroriste ishin zjarrfikës, policë, shpëtimtarë dhe qytetarë të thjeshtë. Në sulmin e 11 shtatorit 2001, humbën jetën 2 752 qytetarë, mes tyre 343 zjarrfikës dhe 60 policë.
Emrat e tyre janë të gdhendur në Memorialin e ndërtuar në Nju Jork për nder të këtyre viktimave. Ceremonia përkujtimore mbahet çdo mëngjes sipas traditës deri më sot dhe nis zakonisht në orën 8.25 të mëngjesit me kohën në New York.
Leximi i emrave të viktimave ndërpritet nga katër momente heshtjeje, dy për momentet kur aeroplanët goditën Kullat Binjake dhe dy për ato në të cilat u shembën ndërtesat.
Llogaritet se mbi 51 mijë amerikanë kanë aplikuar në fondin e kompensimit për viktimat, i cili synon të kompensojë sadopak familjarët.
Në total, deri tani janë shpërndarë rreth pesë miliardë e 500 milion dollarë.
Pas këtyre sulmeve, gishti u drejtua mbi “Al Kaedën”.
Këto kanë qenë sulmet më vdekjeprurëse terroriste në tokën amerikane. Edhe pse fillimisht udhëheqësi i “Al Kaedës” mohoi përfshirjen, në vitin 2004 ai mori përsipër përgjegjësinë për sulmin.
Pasi qëndroi në arrati për më shumë se një dekadë, Bin Laden u vra në Pakistan nga një skuadër speciale e marinsave amerikanë. Ndërkohë, shumë vende të tjera forcuan ligjet antiterror pas 11 shtatorit dhe zgjeruan kompetencat e agjencive ligjzbatuese dhe atyre të zbulimit, me qëllim që të parandalonin sulme terroriste të mundshme.
Çfarë ndodhi në 11 shtator 2001 – Kronologjia e ngjarjeve
Ora 8:46, një aeroplan i rrëmbyer nga terroristët u përplas mbi kullën veriore të Qendrës Botërore të Tregtisë në New York, duke krijuar një çarje të thellë në fasadën e ndërtesës dhe duke shkaktuar zjarr.
Ora 9:03, një tjetër aeroplan pasagjerësh i rrëmbyer, përplaset mbi kullën jugore, duke krijuar një lëmsh të madh zjarri.
Ora 9:17, Administrata Federale e Aviacionit urdhëron mbylljen e të gjitha aeroporteve dhe fluturimet në Neë York. Pak minuta më vonë, mbyllen edhe urat dhe tunelet.
Ora 9:30, Presidenti Bush, që ndodhej në Florida, informon popullin amerikan se vendi ka përjetuar një sulm terrorist.
Ora 9:37, Vetëm pak kilometra jashtë Ëashingtonit, një aeroplan pasagjerësh përplaset mbi ndërtesën e Pentagonit, duke e mbuluar atë në flakë.
Ora 10:05. Kulla jugore e Qendrës Botërore të Tregtisë rrëzohet, duke shkaktuar re të dendura pluhuri që mbulojnë qytetin e Neë Yorkut.
Ora 10:10, Aeroplani i linjës United Airlines numër 93, rrëzohet në shtetin Pensylvania.
Ora 10:22, Departamenti i Shtetit dhe i Drejtësisë evakuohen dhe më pas edhe Banka Botërore dhe ndërtesa e Kongresit.
Ora 10:28, Kulla veriore e Qendrës Botërore të Tregtisë, rrëzohet!
Ora 10:45, të gjitha zyrat kryesore të qeverisë federale evakuohen.
Ora 11:59, agjencia ajrore, United Airlines konfirmon se aeroplani me numër fluturimi 175, i linjës nga Bostoni për në Los Angeles është rrëzuar me 56 pasagjerë dhe 9 pjesëtarë të ekuipazhit. Më pas mësohet se ky ishte aeroplani që u përplas mbi kullën jugore të Qendrës Botërore të Tregtisë.
Ndërsa në mbrëmje, Presidenti Bush i drejtohet vendit: “Ne po hetojmë se kush fshihet pas këtyre akteve mizore. Kam urdhëruar të gjitha organet e rendit që të gjejnë personat përgjegjës. Nuk do të bëjmë dallim midis terroristëve që kryen këto akte dhe atyre që i strehojnë ata”.