Drejtori i Fondacionit “Hasan Prishtina”, njëherësh pasardhësi i Heroit Kombëtar Hasan Prishtina z. Mehmet Prishtina nën shoqërimin e z. Gazmend Boletini – stërnip i Heroit Kombëtar Isa Boletini, Prof. Dr. Sabri Kadriu – pasardhës i Heroit Kombëtar Idriz Seferi, z. Xhavit Kastrati – pasardhës i Heroit Kombëtar Shaban Polluzha, sot më datë 09.01.2024, u priten nga Kryetari i Bashkisë së Shkodrës z. Benet Beci.
Më këtë rast z. Mehmet Prishtina në cilësinë e Drejtorit të Fondacionit “Hasan Prishtina”, paraqiti kërkesë Kryetarit të Bashkisë së Shkodrës për nënshkrimin e një memorandumi me Fondacionin “Hasan Prishtina” dhe bashkërendimin në aktivitete konkrete që lidhen me aktivitetet e Heroit Kombëtar Hasan Prishtina në Shkodër.
Më këtë rast, z. Prishtina falënderon Kryetarin e Bashkisë së Shkodrës për korrektësinë dhe gadishmerinë për bashkëpunim.
Pas takimit me Kryetarin Beci, delegacioni u prit nga mbesa e Heroit Kombëtar Bajram Curri, znj. Mimoza Kraja – Meta e cila jeton dhe vepron në Shkodër.
Në përfundim të vizitës delegacioni me pasardhësit e familjeve emblematike, bënë nderime tek shtatorja e Heroit Kombëtar Isa Boletini dhe Luigj Gurakiqi si dhe vizituan qytetin e vjetër në Shkodër.
